PINANGUNAHAN ni Pangulong Ferdinand R. Marcos Jr. Ang pagdiriwang ng ika-160 anibersaryo ng kapanganakan ni Gat Apolinario Mabini sa Mabini Shrine Brgy. Talaga, Tanauan City Batangas.
Bilang pagpupugay ay nag-alay ng bulaklak ang Pangulo upang kilalanin ang natatanging kontribusyon ni Mabini bilang siyang “Utak ng Himagsikan”laban sa pananakop ng mga Kastila at ng mga Amerikano tungo sa kalayaan ng bansa.
Pahayag ni Marcos Jr.,”Si Mabini ay nagmulat na ang bawat isang Pilipino ay may kakayahang gumawa ng pagbabago at tumahak ng sariling landas tungo sa tagumpay sa kabila ng iniindang kalagayan o anumang mga pagsubok.”
Ayon naman sa apo sa pamangkin ni Apolinario Mabini na si Pilagia Mabini, 76 na taong gulang, “Ipinagmamalaki ko na kamag-anak ko siya. Kilala ang mga Mabini sa pagiging tahimik at conservative. Gusto kong maalala ng mga kabataan si Apolinario Mabini bilang dedicated siya sa trabaho sa bayan natin.”
Kaalinsabay ng pag-alaala sa kaarawan ni Mabini ang National Disability Rights Week na may temang, Promoting Inclusion: Celebrating Abilities and Advocating Access. Bahagi nito ang kahalagahan ng inclusivity at accessibility para sa mga persons with disability (PWDs) sa bansa.
Samantala dumalo rin sa nasabing aktibidad ang mga alkalde ng iba’t-ibang bayan at lungsod sa Batangas at si Vice Gov. Mark Leviste na nakiisa sa seremonya sa mayamang kasaysayan ng kadakilaan ng bayaning kababayan.| – Ghadz Q. Rodelas
